english review will come soon.

كيف أصف أفضل عمل قرأته السنة دي ؟ بقالي يومين تلاتة بدور على كتاب اقرأه ومش لاقية حاجة تناسب مودي ولكن لما قرأت نبذة " لوز" مستغرقش الأمر دقائق إلا وكنت بقرأ الفصل الأول

على الرغم من فقدان يون جيه لقدرته على الإحساس بحاجات معينة إلا أن مفيش مشاعر أنا محستهاش وانا بقرأ الكتاب دا ! عمل فني متكامل وجميل و لمسنى بشكل جميل جداً، اسلوب الكاتبة جميل اوي اوي اوي

بناءها للشخصيات كان مميز ومن النادر معايا إني أحب السرد عن طريق البطل لأني بمل من إني أفضل في دماغ شخص واحد لكن تمتعت هنا بإني أفضل اقرأ افكار يون جيه عن كل حاجة، شخصية چوني و دورا ودكتور شيم وغيرهم أتمتعت بحكاياتهم

بحب جداً لما كتاب مش بس تقدر تطلع منهم بإقتباسات كتيرة تفتكرها لكن لما تحس إنه مكتوب بطريقة شعرية لدرجة إنك عايز تقتبس الكتاب كله !

عمل مميز وأعتقد إني هفضل أتكلم عنه كتير